虛擬貨幣Bitcoin炒風熾熱，帶挈部份人發達，美國就有一位34歲Bitcoin早期投資者Roger Ver，2011年以1美元買Bitcoin，𠵱家變成百萬富翁，最近仲捐咗價值超過100萬美元嘅Bitcoin畀一個經濟教育基金。
Roger最近接受美國CNBC訪問，佢喺矽谷出世，19歲就做老闆，開咗間專做平價電腦用品網購嘅公司，2005年搬去日本長住，一次講座首次接觸Bitcoin，2011年開始投資，之後佢覺得Bitcoin會成為佢生意嘅一部份，於是四出推廣，因此得到「Bitcoin耶穌」外號。
雖然有人投資發到豬頭咁，但金管局總裁陳德霖同財爺曾俊華已先後提醒市民唔好跟風亂炒，Bitcoin噚日介乎975至1185美元。
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24