【本報訊】鄉議局企硬要將大浪西灣剔出郊野公園範圍，今日再度於多份報章刊登聲明，表示要捍衞私有產權。鄉議局反對將西灣村納入西貢東郊野公園小組召集人巫家雄接受本報訪問時稱，日後政府將更多原居民村落納入郊野公園範圍，必會掀起更多抗爭，但指若政府承諾讓村民可擁有民宿牌照及熟食牌照，「到時佢哋生計有保障，要納入郊野公園規管唔係問題，可以慢慢傾」。
巫家雄：不信任政府
巫家雄指新界鄉民今次強烈反彈，緣於村民對政府毫不信任，「70年代講咗話唔會將私人土地納入郊野公園，𠵱家又反口，我哋仲點信政府？」
巫強調村民絕對不是與環團對立，因原居民也熱愛大自然，「村民種嘅風水林就係最早環保嘅雛形，好多地方如果唔係村民保護得好，今日邊有咁靚？」他指不包括土地自70年代開始出現，30多年來只出現過一次魯連城事件，「呢幾年都冇同類事件發生，而且我唔覺得魯連城嘅地方同周圍唔協調。」
他重申，一旦鄉村納入郊野公園，原居民的丁權必受限制，「郊野公園講咗建築物唔可以令周圍環境有阻礙，咁三層高嘅丁屋一定批唔到啦」。
近日環團提出在郊野公園內，村民可辦民宿及士多等多元發展，巫指可以考慮，「但政府一定要白紙黑字寫清楚，有條例講明可以點做，同埋幫村民安排好，𠵱家得個講字我哋好難信服」。他坦言若村民的生計不受影響，是否納入郊野公園一事「有得傾」。事實上，2012至13年度有91宗在郊野公園未經准許露營的個案，較08至09年度的17宗升430%，反映市民對在郊野地方度假有一定需求。
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24