政改首輪諮詢今日正式展開，換句話說，又係政務司司長林鄭月娥表演嘅大好時機。咁本身名正言順嘅特首狼振英有乜嘢做呢？嘩，緊要咯，就係盡量少掂政改，以免件事俾佢搞砸。既然係咁，佢都好識做，不停搞「內交」外出散吓心。下一站去邊度好呢？啱啱帶完商界團去廣西、推銷香港作為「萬能插蘇」嘅狼振英，返香港凳都未坐暖，呢個星期五、六又北上，今次會去廣州、中山同珠海，除咗同省、市領導會面之外，仲會去考察港珠澳大橋嘅建設情況，同行仲有特首辦主任邱騰華、以及新聞處處長黃偉綸等，明年1月則會去福建，狼英嘅內交生活，係咪好多姿多采呢！
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24