BBC日前公佈2013年體壇年輕風雲人物候選名單，曼聯嘅比利時籍科索沃裔18歲超新星贊奴沙（圖），居然都有份入選。雖然佢唔係英國人，不過因為佢喺英國住同踢波，加上佢嘅成就係來自英超而唔係國家隊，所以有份角逐。查實呢個獎可以話係成功嘅踏腳石，事關曼聯前鋒朗尼及阿仙奴翼鋒禾確特分別喺02年同埋06年當選之後，都成為獨當一面嘅球星。至於贊奴沙嘅競爭對手，包括幫英國喺今年世錦賽攞到女子4x100米接力嘅艾舒雅史蜜芙，同埋泳壇新星占士佳，所以佢要贏，都唔容易㗎！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange