聽日開波嘅香港高爾夫球公開賽踏入第55屆，呢項賽事喺職業球壇都薄有名氣，不過賽場粉嶺哥爾夫球會因新界東北發展計劃，成為政治敏感議題，亦令今屆搵唔到冠名贊助，總獎金由上屆嘅200萬美元減至130萬美元（約1,011萬港元），人氣爆燈嘅2011年冠軍麥艾萊今屆更放棄來港。雖然係咁，今屆整體陣容好彩都算唔錯，4月打入美國大師賽最後兩輪嘅15歲中國「神童」關天朗（右）首次角逐，噚日練完波後大讚草地靚，「第1次喺香港打職業賽，賽道咁好，信心都大咗，希望打到入最後2輪。」以業餘身份參賽嘅關天朗目前仲讀緊初中，講明自己長大後一定會轉全職。
足本收睇《亂噏24》x謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24