在剛過去的周六舉行了億元婚禮、嫁入豪門的汪圓圓,婚宴後第二日已經「復出」工作,昨日她於銅鑼灣出席手袋品牌Samantha & chouette的開幕活動,當了億元新抱待遇也不同,圓圓出場時獲大會安排了四名保安員隨行,大家稱她為蔡太,圓圓則一臉尷尬,顯得怕醜。
圓圓手袋上有一個K字的吊飾,司儀問她有何意思?她說:「呢個係我新老公(蔡加讚)個名。」眾人大笑,事後圓圓解釋:「係我新婚老公個名,new husband。」圓圓指暫時跟老爺奶奶同住,新居仍在裝修。問圓圓現時是否已有保鑣隨行,她指並未習慣,又指喜歡自己一個人,圓圓自言未慣大家稱她「蔡太」:「一聽到『蔡太』就諗起奶奶。」她更指婚宴後患了感冒,她說:「噚日瞓咗成日,未試過瞓得咁好,搞完婚宴之後成身都好痛。」同場的汪圓圓表妹Jessica指表姐的婚宴令她十分感動。
性感裝束度蜜月
圓圓月中至月底才會度蜜月,她說:「想去熱嘅地方,老公就辛苦啲,因為佢婚禮之後仲要跑馬拉松。」蜜月時會否準備定sexy比堅尼加快造人腳步?圓圓說:「Sexy都OK嘅,畀老公睇OK。今次度蜜月係for resting,總之搞掂咗兩個人嘅精神先。」但圓圓亦不諱言搞完婚宴之後雖然好relax,但亦有少少失落,她說:「多謝每個人,個個戥我開心。其實我最難忘註冊嗰日,我冇諗到自己會喊,我係嗰啲一喊就收唔到聲嘅人。」
採訪:盧妹
攝影:黃文偉
全民起義,網民話事!
立即登入萬千星虧頒獎禮投票網,投下心目中最虧之選。
http://campaign.appledaily.com/tvawards2013