地產代理界龍頭大行中原地產轉眼成立35年，兩位創辦人施永青與王文彥似乎繼續貼錯門神，噚日喺周年酒會上，即使被安排坐埋一齊，都一位望天，一位望地，鮮有交流，費事交戲！
施、王二人當年攜手創立中原，後來因為生意理念唔同，王文彥1992年離開變成在野股東，並自立門戶成立長安地產，曾經批評中原年年搵大錢，但施老闆就將錢分晒畀董事同埋管理層。
35周年酒會好熱鬧
兩人由一張寫字枱起家，發展到今日有過百間分行，認真唔簡單。酒會上，放映一張1979年施、王二人與同事喺辦公室嘅合照，相中嘅施老闆挨近王文彥，可惜呢個畫面不復再嘞。
雖然兩人面阻阻，仍不減賓客熱情。大部份本港地產商高層都有到賀，包括英皇老闆楊受成、新地（016）樓神雷霆、養尊處優嘅盈大地產（432）副主席李智康，以及曾喺瑞房（272）打工嘅前港姐向海嵐都有現身。
行政會議成員羅范椒芬亦在場。原來佢跟中原亞太區總裁黃偉雄都係香港專業及資深行政人員協會（專資會）成員，仲係創會會員，二人2009年跟其他成員一齊去過南極考察㖭，咁老友，於是畀面到賀。
羅太爭取每個機會為政府拉票，佢希望立法會可以盡快通過辣招，樓價再低少少嘅話，就有更加多人可以上車，估計明年樓市平穩發展。
李華華
mailto:[email protected]
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24