股評人蘇沛豐（Daniel）青靚白淨幾易認，佢喺新鴻基金融任職三年半，上周五last day，噚日火速到招銀國際報到，同樣做研究部策略師。
人工有合理增長
Daniel話，咁急返新工係因為要幫手準備新一年嘅港股前景展望，至於待遇有冇升呢？佢就答「有合理增長啦」！
Daniel以前喺新證除咗做分析，仲要兼顧基金業務，佢話想專注研究工作，咁啱招銀國際正在擴充，所以就把握機會過檔，研究部暫時只得4人，佢以後都會繼續曝光。
招商銀行（3968）旗下招銀國際成立多年，自從招行2006年在香港上市後，開始大力發展，好多人都會混淆招銀國際同招商證券（香港），查實兩間行係獨立運作，招商證券（香港）隸屬於A股招商證券，規模大好多。
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24