一周兩件兩個星期前主打木薯（841），木薯啱啱派咗半年成績單，純利飆升咗近500%，到4,240萬銀，貼近本欄估計全年純利9,000萬銀近半水位。而木薯噚日最高爆升24%，翻一番目標價1.68元，指日可待。
講番今日主打五礦建設（230），博有大型注資，股價市值資產通通大暴漲。
先睇五礦建設終極對口單位「五礦集團」背景。五礦集團係國資委重要骨幹央企，兼係阿爺獲准開發房產業嘅21家央企之一。
單係喺遼寧省營口市，已坐擁工業土地儲備30平方公里（大約半個港島區咁大）。就算唔計呢批地，五礦集團可供發展嘅靚地，總建築面積亦超過1.2億平方呎。五礦建設係成個五礦集團系內唯一嘅地產旗艦，獲注資係遲早嘅事。
但咁睇，就算齋計呢1.2億平方呎用地，又係咁意以每方呎300蚊鹹豆地價計，都等值360億銀，已經係五礦建設市值（34億銀）嘅11倍！五礦建設現價（1.05元）根本啃唔落龐大注資。注資之後，股價市值係有機會大暴漲。
再講，五礦建設本身亦揸住4,700萬平方呎土儲，又以每方呎100蚊鹹豆增值價計，已經可以額外增值47億銀，或每股1.4元，NAV冧高到3.6元，折讓高達70%，吸引到痹。
五礦建設今年頭十個月，內房累售金額60億銀，翻咗半番。樓賣得好，但五礦建設現價，仲要比今年初高位1.7元累跌40%，殘到離晒譜！
升幅料以倍計
該股現價升62%，上番呢個水位，合情合理。博日後注資大增值，升2.5倍到NAV3.6元（到時市值約120億銀），一啲都唔過份。
錢雋
細價股專家
本欄逢周二、五刊出
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24