葉劉嘅新民黨羅致唔少離職公務員，噚日佢哋公佈，請咗做過16年AO嘅王瑤琪加盟做政策研究總裁，噚日開始返工。王瑤琪好識做，擦定老闆鞋，佢噚日喺公佈中話，如果唔係得到葉劉同副主席田北辰信任，難以擔當此重任喎。
王瑤琪1992年入政府做AO，做過唔少部門，包括前環境運輸及工務局同食物及衞生局，2008年離職前係商務及經濟發展局助理政府資訊科技總監。佢脫離政府後加入醫院管理局，出任機構事務主管，負責對內及對外傳訊服務、醫管局大會同總部行政事宜等，要同政府政策部門聯繫。佢當年唔做AO做醫管局曾經引起譁然，不過做到2011年，終於都離開咗。
足本收睇《亂噏24》謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24