泰國嚴重示威近年屢次發生，雖大多發生在政府機關一帶，偶爾也於旅遊區爆發。港府昨向曼谷發紅色旅遊警示，但仍有港人照原訂計劃到曼谷旅遊，只是改住遠離四面佛等酒店，並延遲於泰王誕辰日出發，「為咗泰王，示威好可能會停兩、三日」。有網友批評此時仍赴當地的港人不負責任，「有事就要求政府包機」。
重新編訂行程
Winnie與十多名親友早計劃好明天遊曼谷，「年尾曼谷天氣最好」。她仍照計劃到曼谷，只是會「因應局勢」重新編訂行程，「我喺曼谷有生意，之前曼谷示威又試過喺當地，知道點樣避（危險）」。
她續稱，先會改在後天才出發，「因為呢日係泰王生日，示威好可能會停兩、三日」。她原訂了一間在四面佛附近的酒店，但由於該處鄰近示威頻頻的警察總部，故昨已改訂另一區Asok的酒店。
Winnie解釋，新選的酒店就在BTS站的附近，有大型商場，「有乜嘢事就留喺酒店、商場買嘢做Spa都得啦」。由於Asok距離機場鐵路站不遠，她說若市區往機場的公路有示威活動，可改乘機鐵到機場：「之前示威聽講有人喺去機場途中被示威者攔截。」
Lana並非去曼谷而是布吉，但也留意當地局勢，「之前示威冇試過搞到布吉吖嘛」。不過，她說由於今次示威似仍集中於曼谷或附近地區，故仍照原訂計劃月中赴布吉度假：「其實都係要執生嘅，留意吓新聞囉」。
本報記者
足本收睇《亂噏24》x謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24