剛做完香港電台的舞台劇，《安全之旅》，講安全性知識；排戲過程，演員互相交流「性知識」，這才發覺，坊間流傳很多荒謬絕倫古怪的性傳說。你可以check check，中了幾項？
（1）薄荷削精
通常的對白是咁的。
男：有無薄荷糖？
女：你唔怕削精咩？
男：太多，減啲啱啱好。
這除了代表男人的自然反應慣性自吹自擂外，也證明「薄荷削精」的都市性傳說深入民心，就等於阿爺認為「普選削權」一樣，其實是自己諗多咗。
傳得最多其實是「食薄荷煙殺精」，真相應該是，影響你性功能的不是薄荷味道，而是「煙」。食煙過多本就會陽痿。如果食薄荷煙能殺精，難道說，翻雲覆雨前抽兩包薄荷煙，便能避孕？我怕有人甚至以為，對住憤怒鳥噴煙便可以殺精……
（2）白花油殺精
就咁嘅，你咁想殺精，其實都係想避孕箒，咁白花油的確可以避孕。方法係，你將白花油滴喺自己個菇菇度，包你萬事起頭難、有心無力，無法行房，肯定不孕。又或者，你把白花油滴在女方重要部位，對方輕則報警拉你，重則直接影你相擺上網全民公審，結果都係不歡而散，一樣無得歡愉，照樣避到孕！
（3）牙膏神油
這真是本世紀最可怕的性愛都市傳說，有人言之鑿鑿，如果想歡愉時間更持久，只要把少許牙膏搽抹在男士小鳥頭頂，便可收神奇之效，減低敏感度，隨時打加時戰。
大佬！牙膏喎！愛嚟刷牙起泡清潔去垢，你當自己的小鳥是牙刷，要塗抹牙膏，難道你的伴侶重要部位，像民間傳說，生有牙齒，小心有牙？
（4）保鮮紙當避孕套
好簡單，你會唔會掉番轉用避孕套包你雪櫃條魚呢師兄？