遠東發展（035）主席邱達昌有三位樣貌標致嘅寶貝女邱詠筠、邱詠賢、邱詠麒，24歲細仔邱華瑋（Andrew）噚日亦正式亮相，佢喺遠東發展任業務發展經理。睇唔出Andrew係band友，鍾意玩吉他、彈鋼琴，仲識作曲，跟過泰迪羅賓玩音樂。
阿爸阿爺一齊勸
邱達昌話自己好開明，冇限制第三代發展其他事業，但Andrew轉頭踢爆，話幫手打理家族生意，都係因為阿爸幾年前，語重心長咁勸佢，指音樂太難撈，阿爺邱德根又幫口講多兩句，佢先至決定搞地產。佢𠵱家負責地產項目銷售同入標。
Andrew話，由細到大，跟阿爸傾偈嘅話題都係圍繞地產，久而久之，佢都識得兩道，揚言見到一塊地皮，五分鐘已經睇到前景係點喎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange