李華度（黃衫）來港賀歲？出年主辦賀歲盃嘅公民，主席貝鈞奇噚晚請球隊食蟹宴嗰陣公佈，日聯嘅FC東京同俄超嘅薩馬拉已答應訪港，而第3支外隊則好大機會係葡超嘅奧漢倫斯，角逐8萬美金（約62萬港幣）冠軍獎金。要對抗幾支外隊，貝生透露公民都會邀請國際級球星助拳，當中巴西名宿李華度都係人選之一！但最終可唔可以成事，就要視乎對方開出嘅條件；除咗「李三腳」外，現效巴甲哥連泰斯嘅前公民中場陳志釗，以及鞠盈智、徐德帥等一眾曾經效力過公民嘅球員都有望助拳。
賀歲盃門票方面，暫定分為$380、$280、$180同$100（長者及學生票）4種，而貝生話會參與政府嘅「築福香港」計劃，送出4,000張門票畀弱勢社群，等更多人參與呢項球壇盛事。此外，公民贊助商AET主席張廣勇宣佈，如果球隊攞到聯賽或其他盃賽冠軍，每項都有40萬港元獎金，公民同時公佈每項加碼40萬；換句話，如果公民包辦聯賽、銀牌及足總盃冠軍，全隊就可瓜分240萬！
足本收睇《亂噏24》謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24