海迪返內地公幹，盡可能都會抽時間到街上閒逛一下。有次途經上海淮海中路，兩旁幾乎一系列都是由香港上市地產商興建的shopping mall，名字熟口熟面：香港廣場、中環廣場、時代廣場、K11……最近連apm也在加入戰團。至於商店組合，其實大同小異，總之就係喺香港日日都見到那堆品牌。海迪住嘅酒店位處該區，每日至少經過附近幾次；但直至我離開那一天，仲係會走錯路。企喺街角，無論你轉右或轉左，風景都差不多。
這種情況並非上海獨有。很多一、二線城市都開到一街都係百貨公司、商場，尤其在東北地區。有業內人士話，前幾年某啲市政府為咗谷政績，濫批project，搞到依家唔少項目可以推遲嘅就推遲，個別嚴重例子，甚至連招商都出現困難。
上兩個星期，曾是百貨股王的百盛（3368）出咗第三季業績，管理層向分析員坦承，過去兩年開既9間分店，只有1間成功賺錢，全部57間分店當中，有20間蝕緊錢，非常誇張。呢個行業未來幾年肯定要整合。據講，某一間近年表現尚可的百貨股，這一年至少已接獲兩個行家洽購，最後都因叫價太高而拉倒。如果𠵱家就想撈底，仍然為時尚早。
海迪
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24