李首富說如果再來過，他有意從政。橫豎來睇，首富從政能力，高「家是狼隊」好幾皮，有辦你見：
一，首富面對「大富豪」，一點也不「仇富」，慷慨給十億cash。如果派錢，首富咁疏爽，可以肯定，豪過澳門政府，民望高出狼隊二百巴仙。
二，議員沒有議價能力，但首富不但議價能力高，殺價能力更驚人，贖金由20億，一口價殺落10億，試問bargain力量，誰可爭鋒。
三，由20億降價五折到10億而面不改容，富貴如浮雲，睇得咁通化，假如入廉記，就算對住N個內地版張×強，一樣唔會「迎合風尚」。
四，講到明，首富唔like人治，但又接受人治政權下的傳媒獨家專訪，證明首富又圓又方東南西北靈活識走位。若然首富出戰選特首，唔使買like，贏晒對家狼＋葉＋湯三及底合體。而更重要的是，縱使首富從政意圖曝了光，也不會見光死。狼，準備跪回家！