恭喜葉姵延（黑妹）榮升做老闆！用咗多年來打羽毛球賺番嚟嘅獎金，足足6位數字，目前加入康怡廣場內Kraft Paper精品蛋糕外賣店，成為老闆娘之一。佢話係佢多年多嘅夢想，好開心喺26歲完成，但大家唔好誤會，黑妹唔係鋪後路退役，佢講到明想參加2016年巴西奧運，一眾黑妹迷可以放心！
前日先喺澳門羽毛球格蘭披治賽4強止步既黑妹，原來中學已經畀錢學整蛋糕，家陣住喺體院仲不時親手做蛋糕畀運動員食；喺李慧詩今年5月生日時，都整咗個芝士蛋糕送畀佢。噚日落實加盟Kraft Paper嘅大日子，佢仲特別設計咗「羽毛球包」，另一位老闆Nick都話有黑妹加入有宣傳效果，客仔都多咗。此外，喺澳門賽贏咗黑妹嘅李文珊，就喺決賽輸咗畀世界排名第11、印度選手辛杜，屈居亞軍。
足本收睇《亂噏24》x謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24