冬天終於來到，長袖衫成賤肉橫生的最佳屏障，對Samantha咁為食嘅人嚟講，踢走豬腩肉難過於股場獲利。近年拒絕與反式脂肪為伴，寧願花多點錢，食得健康，身形才未見走樣，強國先富起來的一批已漸漸明白這個道理，願意畀貴點，也要食得健康，故標榜健康玉米油的長壽花食品（1006）近兩年不斷破頂，絲毫感受不到腳軟的迹象。
有內地網民指，長壽花其實在大陸超市的售價，相對於同業稱不上便宜，有些更比同類型玉米油賣貴10元人仔，但市佔率依然上升，這就是品牌。有見及此，中糧控股（606）明白不能坐以待斃，早前宣佈入股日本日清奧利友旗下大連日清制油，開拓內地健康油脂市場，打造不易積累脂肪的產品，踏出擴闊毛利的第一步。
再者佔中糧盈利最大部份的油籽加工業務見起色，按年增87%，帶動中期業績較去年同期升31.5%至6.6億元，管理層提到投資高峯期已過，有望逐步提升產能，而人仔升浪停不了，以及內地大豆期貨價格因國儲收購價遠低預期而引發地震，相信會持續頹勢，毛利率有望再向上攀。
年中兩大食用油企業打減價戰，中糧股價創4年低位，其後派出成績表才穩步上揚，上周五突破4個月橫行區，新一輪升浪再臨。
Samantha
本欄逢周一、三、五刊出
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24