話咁快就踏入12月，2013年咁風起雲湧，真係好多大新聞值得回味㗎！雅虎香港（ http://www.yahoo.com.hk）網站搶閘公佈「Yahoo全年搜尋人氣榜」，大家估吓喺呢一年，邊啲人物最多人搜尋？十大港聞有邊幾單入到圍？
台版陳冠希多人搜尋
免費電視發牌問題一石激起千重浪，港視大熱倒灶，網民又上街又搞熄機行動，抗議無綫電視霸權，王維基同港視可謂今年最紅咯，2013年焦點人物搜尋排行榜，佢老哥排第一位，雅虎香港2013年十大港聞，首位又係「免費電視牌照風波」，可惜人氣爆燈，卻事與願違，不獲發牌啦。
第二位焦點搜尋人物係邊個呢？何家有女初長成，答案就係澳門賭王何鴻燊同三姨太陳婉珍嘅千金何超蓮嘞。22歲嘅佢同台灣歌手吳克羣嘅戀情曝光、超蓮BB出席公開場合嘅靚相，都成為網民搜尋焦點。陳冠希早已out咗，但估唔到出咗個台版陳冠希——李宗瑞，佢因性侵多名女星，拍下大量淫照、淫片最後被判刑，咁多網民搵佢啲料，想睇啲乜嘢？你明嘅。
其他焦點人物，就包括李嘉誠、梁振英、何超盈、易小玲等。陳振聰判決、林慧思事件、劉夢熊被控、碼頭罷工風波等大新聞，當然都有入圍啦。2013年仲未過，相信呢個list仲可以不斷更新！
mailto:[email protected]
足本收睇《亂噏24》謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24