虛擬貨幣Bitcoin近期炒到㷫烚烚，上周升到追得上每盎斯現貨金價，財爺鬍鬚曾寫網誌都相當貼市，噚日透過網誌話𠵱家Bitcoin投機味好重，同金管局總裁陳德霖一齊潑佢冷水。
Bitcoin有市有價，但財爺就話Bitcoin背後冇實體經濟支持，加上投機成份好高，再三提醒市民要諗清諗楚先好投資。佢又話Bitcoin嘅交易好似好公開，但實際上好難追蹤到賬戶擁有人喺乜水，容易吸引不法分子洗黑錢，如果國際社會出手取締或者規管，隨時令Bitcoin身價大跌。
雖然財爺講到Bitcoin好危險，但佢覺得發明Bitcoin嘅故事好有啟發性，藉此鼓勵香港年輕人多啲留意身邊人嘅需要，寫個能夠滿足佢哋需要嘅Apps，話唔定可以搵到商機。
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24