未入正題前，再賣個告白：「投資王擂台賽」今日開始第一輪比賽，下載新App「蘋果投資王」，於App內做個簡單登記就可參加。考考自己眼光，與股評人同場比拼炒藝，機會實在難得。
由於魏力為比賽的設計者之一，為公平起見不會參加，但有三個貼士可畀大家：首先，比賽每月結算一次，12月只有20個交易日，要贏最緊要快、狠、準，不妨集中火力炒細價股，呢期殼股炒風熾烈可作主打，反正零成本，一於去盡。
其次，由於成交股數要以實際市場成交為準，例如某股於6毫子成交得10萬股，你就只可買10萬股，不能買多，所以要揀成交足夠的股份，才可大手掃貨。此外，由於落盤不能「排隊」，必須以市價成交，所以落盤不能遲疑，落得慢隨時買貴幾格。有疑問可於魏力fb提出，另外要吼實即時新聞，不時有筍股提供！
港股破關前繼續牛皮，但板塊輪流炒高，暫時可打游擊。波羅的海乾散貨指數上周四狂飆9%，航運股有勢可跟。一眾航運股中，中集（2866）及中國遠洋（1919）蟹貨多，不易爆升，揀基金主導、走勢較佳的中外運航運（368）勝算更高。
中外航運近月一直沿20日線而上，上周突然急插震倉後，迅即反彈重上20日線，成交配合增加，屬典型破關先兆，現價追入，升穿2.74元再加注，短炒目標3.2元。
魏力
http://www.facebook.com/2012jason
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange