洛賓上周六晚有吓超樣衰嘅慶祝，佢諗住滑草，點知仆咗喺地，變成滾地葫蘆。呢場德甲拜仁主場對布倫瑞克，洛賓開波兩分鐘頭槌入波，佢立即衝向角球旗慶祝，跑跑吓，仲雙膝跪地，諗住滑過去（上圖）！有型同樣衰就係一線之差，佢滑唔到之餘仲要仆咗落地，搞到條legging都穿埋（下圖），膝頭都損咗少少。呢場拜仁亦唔帶挈捧場客，洛賓其後入多球，贏2:0就夠籌，「讓球主客和」[-2]開唔到「主勝」！德甲開「大」之王賀芬咸就繼續入球騷，同雲達不來梅踢成4:4。
足本收睇《亂噏24》x謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24