康師傅（322）今年同統一（220）打「買杯麵送腸仔」價格戰，搞到業績麻麻，被多間大行連番降級，點知康師傅上月中公佈第三季業績，回復增長。出名寸嘴嘅CFO林清棠即刻做嘢，狂寸分析員冇眼光。
據早前有份出席分析員會議嘅朋友講，林清棠一到場，劈頭就話要向大家道歉，事關好多分析員嘅見解唔夠水平，搞到唔少基金不斷沽空康師傅，咁𠵱家終於害到投資者「受傷」喇，所以佢對此真係深表歉意喎。咁樣兜個圈去鬧人，在場分析員都滴晒汗。
要講鍾意寸分析員嘅上市公司高層，恒隆地產（101）主席陳啟宗一定有份。喺思捷（330）黃金時期出任掌櫃嘅潘祖明亦係寸嘴之人，經典事例，係佢曾喺投資者會議上，以「呢個問題我覺得投資者冇興趣，next question」來回應提問。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange