保利文化集團計劃來港上市未有進展，旗下保利拍賣本周就喺北京舉行秋拍，今晚有一個黃冑專場，其中一幅拍品頗有歷史背景。
黃冑擅畫新疆人物、動物、人民生活與風景。呢幅《歡騰的草原》喺1981年創作，表現新疆柯爾克孜族人民其中一項傳統運動──馬上較力嘅活動場面，描繪7位元女性人物、9隻牧羊犬同70多匹駿馬。
黃冑當年為北京釣魚臺國賓館創作咗兩幅《歡騰的草原》，其中一幅現藏於釣魚臺國賓館接待外國元首嘅18號樓，另一幅喺1984年由國家前領導人鄧小平作為國禮，送畀當時來訪嘅美國企業家哈默（Armand Hammer）。哈默曾8次到訪中國，5次跟鄧小平見面。
保利拍賣嘅呢幅畫就係來自哈默，根據網站嘅資料，估值約1,500萬元人民幣。
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24