體形纖瘦的吳千語怎也看不出是大胃王，她說每日至少要食四餐以上，即使食飽消夜才去睡，但晨早擘大眼便會嗌肚餓，她搞笑說：「我床頭必備一罐『吊命』曲奇餅，朝早要食兩磈先有氣力落床。我仲試過朝早發現個嘴含住塊餅。」千語的大食症認真嚇人，記者取笑她為何不索性胸口掛大餅，千語說：「如果個餅唔會碎，我都冇所謂。」
吃來吃去只有100磅的千語，有意增肥10磅，她說：「我𠵱家專揀致肥嘢先食，我成日都咁為食，有時仲會特登為咗想食牛雜走去北角買，我諗起嗰樣想食就一定要食到為止。」此舉有點似大肚婆，千語說：「係呀，我長期都處於大肚婆呢個狀態。」大食千語更有意向圈中焚化爐之稱的譚詠麟挑機。她表示不論街邊魚蛋，甚至名貴白松露都不會放過，她說：「我好捨得食，估計所賺嘅錢，起碼有一半花喺食嘢度。」
足本收睇《亂噏24》x謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24