久別舞台的黎瑞恩一連兩場慈善演唱會前晚在灣仔會展開鑼，不少圈中好友捧場及做嘉賓，她的老公曾智明因出埠工作及一對仔女患流感而未能捧場，不過老爺曾憲梓及奶奶開騷前有到後台為黎瑞恩打氣。
前晚表演嘉賓星光熠熠，關淑怡（Shirley）先出場和黎瑞恩合唱《難得有情人》，Shirley還錫了黎瑞恩一啖，黎瑞恩說：「啲人成日話Shirley怪同遲到，其實佢好準時同係個好好嘅朋友。」之後Shirley唱出《人生可有知己》時說：「係代表我同小恩子（黎瑞恩）之間嘅姊妹情。」黎瑞恩即叫Shirley不要再講，否則會喊。
之後當年舞王張立基騷肌肉與黎瑞恩又唱又跳《Electric Girl》，但不擅跳舞的她忍不住儍笑，張立基抬起黎瑞恩時青筋盡現，相當吃力。
學友變財神
接着黎瑞恩和鄭敬基合唱《酒杯敲鋼琴》，當年寶麗金三朵小花包括黎瑞恩、湯寶如及劉小慧也難得聚首，小花現今已為人母，劉小慧感觸落淚還自嘲說：「𠵱家係三肥花。」湯寶如笑說：「小恩子好有善心，係新馬師曾嘅後代，新嘅慈善伶王，叫新馬女。」
接着還有衞蘭、蘇永康和杜麗莎跟黎瑞恩合唱，最後壓軸嘉賓是張學友，黎瑞恩笑說：「你係我心中嘅財神，我嘅第一桶金都係因為你，你叫我走埠賺好多錢，點解你咁多鬚？」學友說：「因為咁上下年紀，唔同年紀有唔同靚。你都喺我心中係少數會請嚟做嘉賓嘅人，因為我唔想人哋搵晒我啲錢，但因為你聲靚，把聲又好夾我，有機會想再合作，要唔要帶埋啲細路一齊？」黎瑞恩即叫好。安哥時，黎瑞恩忍不住再喊，她以一曲《一人有一個夢想》為終結，而兩晚演唱會合共籌得約130萬。
採訪：王連連
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！