利物浦真係慘，喺上周五操練中損兵折將，前鋒史杜列治（小圖）同中堅史卡迪爾同告受傷。史杜列治整傷左腳足踝，傷勢較嚴重，懷疑韌帶有事，要照完掃瞄先知；若果證實韌帶撕裂，應該要唞6星期。史卡迪爾亦悲情，俾自己友、17歲小將佐敦伊比踢傷，對方鞋底一嘢印咗落去佢小腿度，留低一個個鞋釘造成嘅血窿（圖），可能踢唔到對侯城場比賽。另外，格連莊臣早前超速駕駛被捕，但佢掛住操練冇上到庭，好可能被罰停牌。
足本收睇《亂噏24》x謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24