要數近期最旺的騎師，除潘頓外，就是同鄉安國倫。安國倫今個月手風甚順，頻頻贏馬，淨計今個月已勝出10場。安國倫表示，對第四場第三班1000米的「輕彈錢笑」甚有期望。此匹蔡廐馬上仗季內初出跑沙田1000米即大勝「龜兔競跑」三個多馬位，後駒再出順利補中，可見賽事水準甚高。騎者補充「輕彈錢笑」賽後雖被大幅加12分，但此駒質新當打，從上仗其贏馬姿態看來，處三班絕對具競爭力，只要屆時取位順利，有力為此駒爭取連捷。話雖如此，此仗除「輕彈錢笑」這匹怪獸外，同場亦有另一直路怪獸「神舟十號」，呢匹馬上次贏馬時間比「輕彈錢笑」仲要快，加上今仗孭更輕磅，相信兩駒必有一番惡鬥。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange