（喜）做皇家馬德里球員除咗坐享高昂薪金，周時仲有贊助商關照，官方汽車贊助商最近又送車，皇馬球員一人揀一架，可能基斯坦奴朗拿度（C朗）已經有太多跑車，今次就揀咗架旅行車，唔通想用嚟同埋囝囝搞親子樂？至於加里夫巴利就揀咗架貴價嘅四驅車Q7。另外，據一項關於今季球衣銷售嘅統計顯示，C朗件7號皇馬球衣，力壓美斯件巴塞10號波衣排喺第1位，C朗前隊友奧斯爾過檔阿仙奴後，件波衫亦非常好賣，排名第3。而亦有西班牙記者爆料話，C朗喺金球獎評選以44.4%得票當選（圖），又係踩住美斯當選，後者只係得20.3%選票排第2，至於曾經一度成為全球獎大熱嘅列貝利，就只係排第3咋！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange