相信任何人都對校服都有一定情義結，始終都要着十年以上，不過唔知大家對自己依家或當年套校服又點睇呢？最近一班高登網民搵嚟全世界校服比拼下，當然日本校服依然獲高度評價，當然條超短裙係加分位，難怪多年嚟仲係AV片重點元素。
至於美國、英國、澳洲同韓國，其實同香港都好相近，都係採用正統西式校服，配上正規皮鞋同打呔。馬來西亞就最保守，女學生裙要到膝頭蓋以下，襯衫一定要遮住手肘，毫無性感可言。
阿曼、越南同不丹非常有特色，大家都係着民族袍。至於最性感校服非泰國莫屬，緊身短袖恤衫，將身體線條表露無遣，配上低腰迷你褶裙，仲要開叉，真係Sexy到震，不過有當地中年人嫌太過性感有傷風化。
至於最土味校服強國同北韓絕對係穩佔頭兩位，分別係80年代娘爆運動制服，以及白恤衫配紅巾，土味程度真係慘不忍睹，所以大家應該好慶幸香港校服真係唔算太差，尤其是真光書院，一向都係高登仔最推崇。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange