金融海嘯後，中環好幾個地方貼滿雷曼苦主嘅求助標語，花旗銀行位於會德豐大廈嘅分行係其中之一，呢間分行噚日變身成智能分行重開，仲請到唔少地區嘅零售銀行阿頭撐場。
為配合智能分行呢個主題，花旗港澳區行長兼CEO盧韋柏，聯同香港區嘅花旗零售銀行一姐林鈺華（Christine）潮到用iPad剪綵，用手指嚟「𠝹斷」iPad熒幕上面嘅絲帶咁就禮成。
呢間分行自1983年營運至今，係花旗嘅自置物業。Christine致詞時仲大爆年資，話自己同一年加入花旗，即係話佢加入花旗已經30年。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange