【本報訊】織織復織織，幾位巧手創作人近日把銅鑼灣街頭一串冰冷的鐵欄杆，以暖洋洋毛冷包成17個手牽手的聖誕老人。這新興的街頭針織塗鴉令外國遊客看到開心讚好，但不少港人看過後卻是滿腦子擔憂，如「驚唔驚俾警察拉？」令藝術家哭笑不得：「你會覺得香港真係一個太緊張、太現實嘅城市。」
欄杆度身訂做聖誕公仔
Billie、Esther和幾位友人在天后合組La Belle Epoque工作室，是全職手作人，並把外國流行的Yarn Bombing（針織塗鴉）引入香港，針織塗鴉是指為看中的戶外目標物度尺寸、研究套上甚麼公仔，然後在室內先織好幾塊碎片，再到街頭即場縫合，跟着快閃離去，旨在為街頭熟口熟面的事物換上新妝，製造都市驚喜。
不過她們早前在銅鑼灣京士頓街一連兩天在欄杆縫起17個毛冷聖誕老人，卻深深感受到香港人精神緊張，「途人第一件事會問『你會唔會俾警察拉？』我心諗行埋一邊包毛冷，犯乜嘢法呢？抑或係大家一路都生活喺恐懼裏面，覺得所有嘢都係唔掂得？」Billie說工作時曾有幾位警察經過，只是讚「幾靚喎！」從無以負面態度對待。
即使是欣賞，港人和外國人表現方式都很不同，「外國人多數會想同我哋artist有交流或者合照，同埋影我做緊嘢；但係本地嘅途人多數只係自拍，或者單獨影個作品」。她指港人特別愛問很實際的問題，例如「搵你織嘢點計？」、「賣唔賣㗎？」令她們有時哭笑不得。
幸三人的努力沒有白費，多名大人小孩受訪問，都對這針織塗鴉讚不絕口。近日冷雨亦不損塗鴉，原來是因為針織使用了尼龍含量較高的毛冷，不怕雨水。不過創作人直言人為破壞確難避免，像去年夏天她們在朗豪坊的展覽品，兩天便被扯爛，近日亦有市民關心針織聖誕老人的安危：「驚唔驚整爛？」、「俾人偷咗點算？」Billie感激大家關心，但亦慨嘆這或反映城市人彼此欠信心，勸大家不如放膽去欣賞：「如果你不停咁擔心之後嘅結果，你就唔會去開始！」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange