熱刺噚日喺歐霸盃作客挪威特林素場波，據聞天寒地凍，但相信熱刺領隊波亞斯（左）個心仲寒，因為喺球隊於上場聯賽俾曼城炒6蛋之後，波帥已盛傳烏紗不保；加上佢喺各博彩公司嘅「下一個離隊英超領隊」嘅賠率全線起票，成為大熱，真係可能捱唔到下周日大戰曼聯，波帥已經被炒。有指熱刺已鎖定目標，打算邀請巴塞隆拿名宿、切爾達嘅教頭安歷基（右上）執鞭，而計劃B則係以史雲斯領隊米高勞特立（右下）掌帥。不過，波帥喺歐霸盃賽前記者會就話自己對傳言有免疫力，相信球會對自己有信心喎！
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24