【投資策略】
港股昨一度創兩年半新高，散戶蟹貨大鬆綁。大市上周一大漲逾600點，並衝破23500關口之際，散戶趁機散貨多於買貨，本報昨再走訪中環的證券行，雖然不少散戶堅持靜觀其變，但有人強調倘二萬四關可企穩，便會入市；有經紀則表示，昨日期指結算日生意其實淡靜，部份客人選擇先把多年蟹貨鬆綁再打算。
「身邊冇咩人贏錢」
經紀呂先生表示昨沽貨者多，尤其沽出持有多年的蟹貨。散戶文小姐亦指，昨趁機已沽出持有多年的內銀及資源蟹貨，並認為二萬四關難破，擔憂結算後掉頭下挫。另一散戶李小姐指，目前持有現金比例達九成，待高位企穩才會買貨，主要留意落後的資源股及二、三線股，「好多都升晒啦，冇嘢好炒，身邊都冇咩人贏錢」。
本報昨以電話成功訪問124位散戶，發現即使大市昨見高位，73.4%散戶表示今年輸錢或幾乎打和（見圖）。另外，接近六成受訪散戶看好落後的中資金融股，今年強勢的科網濠賭股僅27%散戶仍看好。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange