新民黨稍後會見「一男子」推銷施政報告建議。身為扶貧委會員成員嘅該黨常務副主席田二少，建議包括向住喺偏遠地區嘅低收入人士提供交通津貼，例如每程四蚊任搭，減輕出外工作嘅交通費負擔；而為免速遞公司向呢班獲公帑補貼嘅人士打主意請廉價勞工，所以建議任搭只限一日三程，佢初步統計過，現有14萬戶低收入家庭，估計約4至5萬現時申領跨區津貼，若以最長上班距離資助，每人每月約1,000蚊，即係政府每年資助額約4至5億，畀得起有餘。田二少早前向勞福局長張建宗sell呢個建議，點知俾小肥張一盆冷水照頭淋，話𠵱家都有交津啦，唔使重叠，激到二少紮紮跳。唔知狼英聽完，會幫邊一邊呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange