港產八十後聖誕老人陳柏圖（Santa Banana）率先為香港人帶嚟聖誕前好消息，佢喺瑞典耶利瓦勒舉行嘅國際聖誕老人運動會勇奪冠軍，成為2013全球「年度聖誕老人」，仲同時獲得今年新設、接受全球網民票選嘅「市民之選聖誕老人」，揚威國際。27歲嘅陳柏圖話，以Santa Banana為名，係因為香蕉好似佢咁充滿能量。為咗準備喺-25℃嘅環境比賽，佢每日做200次掌上壓，再跑籃球場50個圈嚟鍛煉體能，仲以麥皮為早餐，備戰運動會其中一項鬥快食聖誕粥嘅賽事，結果喺食粥賽事奪冠！
咁點解佢可以揮低來自14個國家嘅聖誕老人，贏得評判同全球網民歡心呢？佢話喺瑞典大派聖誕卡，除咗寫中文，仲會寫上接收者所屬國家嘅語言，咁識𠱁人開心，實至名歸啦！
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24