如果唔係早一、兩年廣州嘅廢粵語風波，大家未必會諗到原來平時用開嘅「咗」、「啲」、「哋」隨時會入土為安。退咗休幾年嘅天主教香港教區榮休主教陳日君樞機，上海話同意大利文出名精，但捍衞廣東話就肯定冇佢份，不過原來佢準備挑戰另一高難度──出山教拉丁文。
拉丁文雖然係梵蒂岡法定語言，又係好多現代語言之母，但近代已被視為「死語言」，而且淨係名詞都有七格、動詞就有四種詞性、六種時態，對以漢語為母語嘅人嚟講真係難學到喊，唔知樞機今次全力救亡，有冇辦法令拉丁文喺香港「起死回生」呢？個課程唔收錢，想查詢可以致電2762 0689。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24