會計界議員梁繼昌喺立法會啄實政府提出嘅遏抑樓市「雙辣招」，更會就此提出私人修訂，但原來佢返到屋企，一樣不離「雙辣招」，但受眾就得一個人，就係佢9歲大嘅囝囝喇。
梁繼昌話呀，囝囝平時開親電視都睇唔停，上網又冇乜嘢節制，惟有出辣招對付。第一步呢，就係要搵部可以設密碼嘅電視，喺考試前後幾個月都定為「無電視日」；至於遏抑上網意欲方案，佢就專登喺電腦裝咗個限住上網時間嘅程式。同梁班子情況唔同，佢笑言「雙辣招」已初見成效，𠵱家最希望囝囝空餘時間多啲睇書同做運動。唔知佢囝囝會唔會學老竇提出修訂，要求「減辣」呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange