網隊（黑衫）自11月15日之後終於贏波嘞！佢哋周二作客速龍，以102:100險勝，飽受壓力嘅教練傑特，睇住主隊嘅艾瑪莊遜最後一擊時，仲緊張到抱晒頭，見佢射失後諾禾克又tip唔入，即刻高舉雙手慶祝，唔知仲以為佢哋贏咗總冠軍。之但係，網隊呢支億萬大軍，對住08年起未入過季後賽嘅速龍，都贏得咁辛苦，都唔知有咩好慶祝。
有料放？想收料？入嚟【蘋果互動】啦！【蘋果互動】是蘋果日報與讀者緊密互動、放料及收料的聚腳地。 http://fb.com/AppleDailyExchange