巫師周二主場憑禾爾貢獻31分同9助攻，以116:111擊敗湖人，將湖人作客戰績改寫至1勝5負。好彩紫金兵團都有好消息，得分後衞拜恩（圖）就喺巫師主場開記者會，講吓剛同球隊續約嘅感受，佢話為咗隊波赴湯蹈火都在所不計，咁又係，2年又拎多4,850萬美元（約3.7億港元）人工，畀你都制啦。對於幾時復出呢個千年問題，心情好靚嘅拜恩就話，近日已經完成一次唔錯嘅練習，身體亦都冇不適，復出日期以星期嚟計，但就肯定喺餘下兩場東岸作客之旅唔會復出住。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24