問責班子跳船一個接一個，究竟仲有幾多個問責官員，頂唔順要為得嗰40分民望嘅狼振英服務呢？噚日八方喺立法會會議廳外，遇上經常與傳媒交流、月入10萬嘅政治助理，包括食物及衞生局政助陳凱欣、財政司長政助羅永聰、政制及內地事務局政助陳岳鵬，梗係捉住佢哋問吓，有冇諗過劈炮唔撈、跟吓呢個跳船潮呢？
面對咁敏感嘅問題，估唔到政助咁齊心，個個都話「冇」，總之現階段會繼續做好呢份工，仲企定定畀傳媒任影唔嬲。查實呢個「冇」字，八方都聽過唔少問責官員講㗎，但結果有眼大家睇啦！唔知狼英民望若然跌到個位數，個「冇」字仲有冇咁鏗鏘？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange