為咗令佔領中環信念容易入屋，喚醒「政治冷感」一族，佔中發起人之一戴耀廷亦粉墨登場拍短片；向來斯斯文文嘅戴耀廷，喺片中搖身一變成為頭髮蓬鬆，兼且一手揸住薯片、一手揸住掃帚，着底衫配格仔衫嘅校工，像真度都幾高。
呢條片係佔中「公民學堂──和平佔中預備班」打頭炮之作，首集叫「易入口篇」，校工戴先問：「香港𠵱家冇乜問題呀？搞咁多嘢做乜先？」之後一位學生哥以朗誦腔讀出由五毛撰寫嘅「家是香港」，話香港有N咁多樣問題，但特首唔代表700萬人，只代表有特權投票嘅1,200人小圈子委員會，由於只向小圈子問責，「無論係狼係豬係狗都好，佢做嘅政策，只不過係繼續得唔到廣大市民嘅信任同支持」，藉此帶出普選先係解決問題嘅方法。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24