有調查指很多學生以劉德華作為奮鬥目標，動記者在旺角做街訪，不少受訪者都認為這位「民間特首」十分勤力，做事堅持，又不輕言放棄，認同是值得小朋友學習，又欣賞他會關心大眾的事情，「譬如香港電視發牌事件，佢都有拍過影片嚟力撐我哋」，更揚言若華仔做特首，「佢講咩我都會順從」。
記者：鄒倩婷 攝影：李漢基
至於民望跌至谷低的真正特首梁振英，卻被認為是反面教材，「唔好學特首就得啦，成日講大話」、「純粹佢一個人話晒事，唔使聽人講嘢，所以唔好學」、「唔好學佢講一套做一套」，亦有受訪者點名指不要學成龍，「成日講埋啲謬論」、「佢諗啲嘢真係好膠」。
除了華仔深得民心，亦有不少名人成為港人心目中的奮鬥目標，「Lady GaGa，好有型」、「碧咸，萬人迷吖嘛」、「周星馳，由一個默默無名嘅人，成為一個喺笑劇咁出名嘅人，好值得欣賞」、「蓋茨，多啲錢」、「喬布斯，勇於嘗試，敢於失敗」，更有人指上司是奮鬥目標，認為上司說話有說服力和具領導才能。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange