近年唔少人鍾意收集紙幣，香港布約翰拍賣行喺下月7至10日舉行嘅秋季拍賣會，就會拍賣好多難得一見嘅清朝紙幣、錯體錢幣同珍貴郵票。
其中最特別嘅珍品，要數一枚清朝紙幣連官印。呢張光緒三十四年（1908年）嘅吉林官錢局銀元票龍洋壹元，正面有「吉林官錢局」印章，背面則有「吉林省印」滿漢九疊文大官印。與此同時，正面上邊左右有蛟龍騰飛之餘，下邊亦有巨浪翻騰洶湧㗎，原來呢件珍品嘅流通票存世只得二至三枚，當中又以呢枚品相最佳，係清朝紙幣中最珍貴品種之一，市場估價逾100萬港幣㗎。
本土珍品方面，香港有利銀行1964年嘅100元印刷樣票，從未發行流通，今次會公開拍賣，底價港幣12萬。同場亦有200年前拿破崙親筆書信拍賣。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24