【銅鑼灣】現年25歲嘅唐貝詩前年同毛玉萍兒子Eric Yu分手後，雖然身邊男伴不斷，但都唔見有真命天子嘅出現。前晚唐貝詩同媽咪寇鴻萍去九展出席完演藝人協會20周年慶祝晚會後，即撇甩媽咪會新仔。
校服look惹人注目
前晚約9時30分，唐貝詩坐車到銅鑼灣，佢因為趕住約會，所以換唔切衫，仍然着咗一身校服look出現，腳踏4吋高跟鞋嘅唐貝詩過馬路時，唔少途人見到佢一身cosplay打扮都忍唔住眼望望，佢先到皇室堡戲院買《黑權大狀》（The Counselor）嘅戲飛，冇幾耐斯文男伴就趕到會佳人，佢哋原本想到附近日本餐廳醫肚，不過因為電影快開場就放棄，此時斯文男伴亦終於睇清楚唐貝詩一身「奇特」打扮，唔知講咗句乜，𠱁到唐貝詩好鬼開心，唐貝詩作狀輕打了對方一下，二人甜笑入場睇戲。
睇完戲都已經凌晨，肚仔餓嘅唐貝詩就捉斯文男伴到惠康買零食，佢喺超市裏面仲公主病發作，指呢樣要嗰樣，排隊畀錢時又成個人挨落斯文男伴身上，斯文男伴自然十分受落，最後負責畀錢，之後坐的士送唐貝詩返屋企，十分有風度。
採訪、攝影：陳辰、朱志聰
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24