指數繼續點穴，但熱炒股份仍有不少，畀幾個選擇大家，戰友可揀選自己心頭好。殼股炒到癲，但傾緊而成事機會較高可選新澤控股（095），昨創收市新高，報1.1元，有成交配合，起碼有exit，MACD重現雙牛，9RSI剛見80，似乎仲有得去，短線可睇1.3元，跌穿1蚊止蝕。
想穩陣少少，又有基本因素支持，可考慮匯源果汁（1886）。半年扭虧賺1.14億元，主因成本控制奏效，毛利率大升6個百分點至30.8%。匯源可謂「國產果汁王」，上半年果汁銷量佔中國市場60.8%，而蔬果汁亦達44.6%，龍頭實力毋庸置疑。
今年7月，匯源挖角金寶湯亞洲區總裁蘇盈福為CEO。蘇氏於食品市場擁有30年經驗，有助順利轉型為垂直整合業務模式，控制上游原材料成本，為來年業績增添憧憬。走勢上，匯源昨突破整固區，創近三年新高，成交配合飆升，中線可見7蚊。
想進取一點，刀仔鋸大樹，浙江世寶（1057）可順勢跟進。世寶為汽車零部件股，受惠中國經濟回穩、汽車銷售反彈的勢頭。值得注意，H股較A股大幅折讓88%，已具炒上條件，加上H股僅8,700萬股，扣除大股東持股六成，街貨得3,500萬股，掃起話咁易。該股蓄勢突破橫行區，突破3.15元可追入，睇4蚊。
魏力
http://www.facebook.com/2012jason
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24