聖誕節一定普天同慶？英國有調查發現，對於單身或離婚人士，臨近聖誕會特別感到焦慮和孤單。如果你是單身的話，聖誕前夕會否特別不開心呢？
記者：鄒倩婷 攝影：李漢基
動記者在旺角街訪，發現大部份女士都認同聖誕單身會感到不開心，「應該會囉，如果係身邊啲朋友都有拍拖嘅話」、「會搵單身嘅朋友出嚟解悶，仲會一齊呻話無男朋友」，相反，男士認為聖誕即使單身，都可以與朋友過得很開心，「總有一個聖誕節有拖拍架嘛」、「陳奕迅唱歌咩？Lonely Christmas咩？唔係架嘛，睇自己嘅唧」。
至於聖誕的節目安排，有受訪者表示無論單身或情侶都可以一起玩，「Book camp玩，或者BBQ，就算係情侶都一齊玩」，或選擇去聖誕派對狂歡，認識多些人，但有受訪者表示聖誕要上班，無考慮慶祝活動。
雖然有拖拍，可以過溫暖聖誕，但受訪者都表示不會因為節日來臨而倉卒拍拖，「可能會有想識人嘅感覺，但始終要睇啱，唔係話買菜咁睇到就買架嘛」、「拍唔拍拖唔關節唔節日事」、「節日係大家一齊開心嘅，未必一定要有情人，有朋友、屋企人架嘛」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange