綜合企業股資深分析員梁啟棠（Cusson）離開瑞信，本月去摩通報到，噚日即刻出一份全城最牛嘅和黃（013）研究報告，份報告有成36頁，絕冇欺場咁話。
由歐資行轉去美資行，Cusson繼續睇好和黃，而且比以前更牛，佢將和黃嘅目標價由108元，調高到119元，應該係全城最牛。和黃噚日收報97.75元。
睇番Cusson臨離開瑞信之前所寫嘅和黃報告，佢將目標價調高至109.7元，𠵱家提高目標價，可能是基於過去數月和黃發生咗唔少事，包括賣唔成百佳、轉為研究分拆屈臣氏、旗下電能（006）有意分拆港燈上市等。Cusson認為，除咗呢兩項催化劑，和黃仲有機會改善末期息，即管睇吓佢睇得準唔準嘞。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24