我估四、五年前，無人會諗過智能手機可以發展得咁快咁完善，科技日新月異，咁到底四、五年後，手機可以再進化到咩地步，又有咩新標準？有外國網站就列出12項大趨勢。
1.屈機當道
自從LG同Samsung都發佈屈機之後，可以想像好似書一樣摺得埋，或者屈到好似手錶的手機，已經唔再係幻想，大家拭目以待。
2.超高解像度
其實我覺得喺部幾吋大嘅電話有1,080p解像度已經好誇張，不過2K解像度電話即將推出，4K應該都好快面世？不過到底有幾多人睇得出分別？
3.指紋掃瞄
其實唔係iPhone帶起，之前其他電話都有，不過iPhone做先會多人抄，多人抄表示之後越來越多手機有這功能。將來跌電話都唔怕比人偷晒資料，支持。
4.更多可穿戴的智能裝備
Google Glasses、Galaxy Gear等嘅不同裝備以後一定陸續有來。SONY已經申請智能假髮，仲有咩係無可能？
5.光學防手震
拍攝方面，成像技術得以改善之外，不同旗艦機都加入防手震功能，影相拍片都實用。
6.窄邊芒或無框芒
除了解像度，芒邊亦都變得更窄，將來可能連邊都無，節省手機位置。
7.加入協同處理器
類似蘋果M7，作輔助管理和減輕耗電，減低核心昌片負荷。
8.轉用64-bit處理器
同樣道理，蘋果轉用，各大牌子一定跟風。
9.迷你旗艦
現在很多旗艦機尺吋大到一手難以操控，未必個個喜歡，所以應該會有更多旗艦機出迷你版。
10.提高續航力
其實這點先係最必要，部機幾勁都好，用幾個鐘就無電，有咩意思？
11.傳統手機消失
低價智能手機平到$1,000左右就有交易，傳統手機真係好難生存。
12.物超所值是標準
用家當然最想聽到這個消息，科技發展越快，零件價錢一定會降低，加上競爭加劇，多選擇，手機價錢應該會慢慢降低。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange