李卓人早排去瑞典參加國際工會會議，點知開完會之後，唔係直接返香港，而係走咗去泰國，參加當地反對派搞嘅佔領行動，實行為佔中取經！阿人話見到人哋嘅佔領行動，真係好大規模，好似台上有歌舞表演，音響勁到隔幾條街都聽到；除咗可以刺激士氣，亦可以娛樂一下留守嘅群眾。仲有呀，台下既有不同食物提供，又有藝術廊、示威物品同紀念品賣，仲有按摩同酒吧㖭呀！阿人話泰國搞佔領搞到咁有規模，真係值得佔中學嘢，當然前提係市民要捐多啲錢畀佔中先搞到！阿人又向中共挑機，話佢走去台灣，中共話佢勾結台獨勢力；今次去泰國取經，唔知中共又話佢勾結邊個呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange